SPARTAK NGJELA/ Nuk kanë më forcë kundër shqiptarëve as serbët dhe as grekët

Ka dy fakte të njëpasnjëshëm në favor të ngritjes shqiptare në Ballkan.

Sot, para një ore u votua ligji i gjuhës shqipe në parlamentin e Maqedonisë: shqipja u bë gjuhë zyrëtare.
Gruevski ka dashur të dhunojë fizikisht kryetarin e kuvrndit Talat Xhaferin.

Në fakt kjo duhet të jetë shenja e fundit e genocidit sllav kundër shqiptarëve, dhe fillimi i ringritjes së dinjitetit shqiptar në shtetin Maqedon.

Dhe ka qenë teza amerikane, shprehur dje në Beograd nga zëvendës sekretari i shtetit amerikan që Kosova duhet të ketë ushtrinë e saj, e njëjta kuptueshmëri qëllimore e kësaj kohe.

Nuk kanë më forcë kundër shqiptarëve as serbët dhe as grekët.

l.

Aleanca shqiptaro- amerikane për Ballkanin Perëndimor është në një ecje me ngjitje. Porse koha po tregon se kjo aleancë është një domosdoshmëri historike për vetë Perëndimin

Ringritja e personalitetit shqiptar në Maqedoni është testi i madh i ecjes përpara të albanizimit të Ballkanit Perëndimor.

Shumë shpejt do shohim që shqiptarët janë mbi 50 përqind e popullsisë së shtetit maqedon, dhe shqiptarët do të jenë në shtetin me shumicën e tyre.

Në këtë seancë parlamentare kryetari i Kuvendit të Maqedonisë, Talat Xhaferi, e tregoi veten se është jo vetëm një gjeneral fitimtar i UÇK -së, por edhe një burrë shteti.

Ndërkaq duhet të kuptojmë se ngjarjet e përbashkëta që kanë një objekt, sigurisht që janë të lidhura.

ll.

Një ngjarje e njëjtë mund të quhet edhe ajo që zëvendës sekretari i shtetit amerikan theksoi dje në Beograd.
Ai tha: “askush nuk mund t’ia ndalojë Kosovës të drejtën për të ngritur ushtrinë e saj”.

Po ta shohësh me një sy normal, kupton se në të dy vendet e shqiptarëve etnikë në Ballkan, në Kosovë dhe në Maqedoni, amerikanët po i rikthejnë shqiptarëve të drejtat e tyre të nëpërkëmbura në njëqind e pesëdhjetë vjet.
Kjo në fakt është pa dyshim pjesë e planit që e vendos aleancën shqiptaro-amerikane në veprimin e saj intensiv për të krijuar realisht botën shqiptare në Ballkanin Perëndimor si pjesë integrale të politikës amerikano-gjermane – dhe gjithçka në konsolidimin e pengesës ruse në këtë zonë.

Kontradiktat amerikano ruse përkundrejt interesit perëndimor në Ballkanin Perëndimor kanë vetëm një element dominant të pashlyeshëm: botën shqiptare në Ballkanin Perëndimor.

Në funksion të kësaj, të gjitha orvatje e korrupsionit të lartë shtetëror në Shqipëri për të bashkëpunuar me Moskën, duhet të goditën të rëndë.

Në të vërtetë kjo ka qenë sëmendja shqiptare e shitjes së liderëve të tyre, e cila pas përfundimit të Reformës së nisur, do të marrë fund.

lll.

Gjithsesi shqiptarët kudo ku janë po përjetojnë zgjimin e tyre me përkrahjen e madhe amerikane.

Kjo kohë do të hyjë në histori si periudha kur shqiptarët kaluan nga mbijetesa në eskalimin e tyre drejt ngritjes së përgjithshme si komb, si etni, si forcë dhe si një fillim i arritjes së zhvillimit tyre drejt prosperitetit.

Dhe, kjo kohë, nuk koinçidon nga rasti dhe me luftën kundër korrupsionit në Shqipëri.

Ka qenë vazhdimisht në njëqind vjet që korrupsion i kryeministror shqiptar ka përkrahur luftën që fqinjët aneksues territoresh kanë bërë deri genocid kundër shqiptarëve.

Por, tani, pas këtyre ndodhive që përmendëm, kuptohet qartë edhe qëllimi i lobimit rus që ka bërë Lulzim Basha me qarqet ruse. E si mund të qëndrojë në krye të së djathtës shqiptare një bashkëpunues me armiqtë shekullor të Shqipërisë dhe shqiptarëve!