• HOME
AlpeBlog
AlpeBlog

December 14th, 2019
  • HOME
ARTUR AJAZI/ Doktor, pse e mban me pahir kryetar Lulzimin?
Home
Politikë

ARTUR AJAZI/ Doktor, pse e mban me pahir kryetar Lulzimin?

November 10th, 2019 bora.autor Blog, Politikë 0 comments

Nga Artur Ajazi 

Në çdo parti politike në Europë, në rast se do të ishin zbuluar skandale të tilla siç ka ndodhur me Partinë Demokratike në Shqipëri, kryetari i saj më e pakta, do të ishte larguar me kohë nga posti. Kjo nuk ndodh tek ne, kjo nuk ka ndodhur dhe nuk ka gjasa të ndodhë kurrë veçanarisht në Partinë Demokratike të Doktorit.

Kjo pasi tek ajo parti, kanë gjetur strehë në gjithë vitet e ekzistencës saj, skandali dhe abuzimi, duke ndërthurur ndjeshëm situata dramatike, që kanë bashkëshoqëruar pas Doktorit, edhe të emëruarin pasardhës, shefin e ri të asaj partie Lulzim Basha.

Qysh nga viti 2005, kur Partia Demokratike çuditërisht fitoi sërish zgjedhjet e përgjithshme dhe deri sot, numurohen histori dhe skandale të padëgjuara përgjatë qeverisjes saj dhe më pas, që nisin me aferat korruptive, abuzimin me paratë e taksapaguesve, dhe vazhdojnë të habisin edhe sot shqiptarët me lobimin e bërë në SHBA me “parave ruse” të një kryetari që nuk ka “ngrohur vendin” akoma për ti treguar anëtarësisë tij, se ka aftësi të fitojë zgjedhjet, se ka eksperiencë të mposhtë kundërshtarin politik, se ka një program të pastër zgjedhor dhe qeverisës, për të fituar besimin dhe ngjallur shpresën e shumicës së popullit.

Doktori është i vetmi (siç ka qenë për çdo gjë tjetër në atë PD) që e mban me pahir Lulzim Bashën kryetar partie. E mban jo për “humanizëm” dhe as për “idealizëm”, sepse në atë parti vetëm kjo gjë, nuk ka ndodhur kurrë, por e mban sepse i duhet edhe për pak kohë.

E mban sepse shikon tek Lulzim Basha, njeriun e duhur për bindje absolute dhe për kompromise, e mban sepse Lulzim Basha është i vetmi emër, tek i cili Doktori ka “investuar” shumë për ta mbajtur pas vehtes, duke e trajtuar herë si “kryetar PD” dhe herë si “kryetar opozite”, por në asnjë rast nuk shihet gjëkundi kontributi dhe vepra e tij.

Doktori ja ka “prerë” biletën vajtje-ardhje Lulzimit, duke mos i lënë hapësirë atij për vetvendosje brënda partisë.

Dikush mund të besonte deri para 2 vitesh, duke menduar se “Lulzim Basha do të bënte epokë në PD” apo dhe duke pritur se ai, do ta mënjanonte Doktorin me “lezet” nga drejtimi i partisë. Por sot, askush nuk është i pasqaruar për faktin se “në PD, në kampin opozitarist, ligjin e bën vetëm ai, Doktori i plotfuqishëm”.

Çadrën, mitingjet, protestat, aleancat, tryezat e partive, largimin ose qëndrimin e Lulzimit si kryetar partie, dhe gjithçka tjetër e vendos Doktori. Madje edhe listat e 2017, që u deklarua se “i bëri Basha me kokën e tij”, nuk u hartuan dhe nuk u dorëzuan në KQZ, pa izën e Doktorit. Por, pse e mban me pahir Doktori kryetar partie Lulzim Bashën, përse këmbëngul që ai duhet të jetë edhe për pak kohë atje, si pasardhës i tij ?

Ka shumë dilema, ka shumë hamendësime, por më kryesorja mbetet fakti se Doktori ende nuk ka gjatur pasuesin e “denjë” të Lulzimit, që sipas mënyrës së tij duhet patjetër të jetë me “cen” në biografi.

Dhe të tillë ka plot në SHQUP, por Doktori nuk është bindur akoma, edhe pse ka prej tyre që kanë treguar me vepra, se mund ta “sfidojnë” Lulzimin në tapetin blu. Ka zëra (mos qoftë e thënë) se Doktori ka shumë “plaisir” të afrojë Ilir Metën në PD, dhe pse jo, ta bëjë edhe kryetar partie.

Ëndrra e Doktorit mbetet Meta kryetar opozite, njeriu i vetëm që i një borxh të madh atij, veçanarisht “bllokun” dhe shumë pazare të tjera dypalëshe.

Facebook Twitter Google+ LinkedIn Pinterest
Next article MERO BAZE/ Arta apo Marsida, është si pyetja: 30 Qershori apo 13 Tetori?!
Previous article SPARTAK NGJELA/ SPAK do të likuidojë korrupsionin e lartë në Tiranë, Lulzim Basha po shkon drejt procesit penal

bora.autor

Related Posts

BATON HAXHIU/ Albin Kurti i ambasadorit amerikan Blog
December 13th, 2019

BATON HAXHIU/ Albin Kurti i ambasadorit amerikan

ANLIZA/ Çfarë “fshihet” pas fitores së Boris Johnson në Britaninë e Madhe? Blog
December 13th, 2019

ANLIZA/ Çfarë “fshihet” pas fitores së Boris Johnson në Britaninë e Madhe?

ALTIN KETRO/ Një rikujtim për zëdhënësin e “Babales”, Ervin Salianji Blog
December 13th, 2019

ALTIN KETRO/ Një rikujtim për zëdhënësin e “Babales”, Ervin Salianji

Leave a Reply Cancel reply

Postimet më të ndjekura
MENTOR KIKIA/ Këta që u varin salçiçet në qafë të varfërve për të bërë fotografi…

MENTOR KIKIA/ Këta që u varin salçiçet në qafë të varfërve për të bërë fotografi…

Aktualitet Dec 11th, 2019
ALBERT P. NIKOLLA/ Tërmeti “totalitar” dhe pasgoditjet me rrena të ndonjë media! Blog

ALBERT P. NIKOLLA/ Tërmeti “totalitar” dhe pasgoditjet me rrena të ndonjë media!

Dec 8th, 2019
ARTUR AJAZI/ 8 Dhjetori, nuk ka lidhje me Partinë Demokratike Blog

ARTUR AJAZI/ 8 Dhjetori, nuk ka lidhje me Partinë Demokratike

Dec 8th, 2019
MERO BAZE/ Përse duhet të shkojmë në Durrës! Blog

MERO BAZE/ Përse duhet të shkojmë në Durrës!

Dec 7th, 2019
EDUARD ZALOSHNJA/ Tërmeti dhe kokrrat e ulëta të pemës elektorale Blog

EDUARD ZALOSHNJA/ Tërmeti dhe kokrrat e ulëta të pemës elektorale

Dec 7th, 2019
  • HOME
  • Back to top
© AlpeNews 2017. Të Gjitha të drejtat e Rezervuara
Produced by o.k