Nga Agron Dhima/
“Patriotizëm do të thotë ta mbështesësh vendin tënd gjithë kohës dhe qeverinë tënde kur ajo e meriton”, -shkruante dikur Mark Twain.
Në Shqipërinë e ditëve tona, patriotizmi është kthyer në një leckë të vjetër që ngrihet si flamur betejash të kota politike, madje në një koncept që kush nuk e beson, e përdor për të sulmuar në çdo rast qeverinë, edhe kur kjo nuk e meriton.
Ky është rasti tipik i një partie si Lëvizja Socialiste për Integrim, ku patriotë të veshur me çizme lëshojnë plumba e topa balte mbi vendin e vet, si të ishin duke luftuar ndonjë armik të jashtëm.
I rradhës pas Luan Ramës, ishte Petrit Vasili që fillimisht sulmoi një projektligj për strehimin social të shresave në nevojë.
Kur Petrit Vasili flet për mostransparencën në qeverisje, korrupsionin, apo kompromisin me krimin, edhe mund ta përtypësh, për hir të idesë se “politikanët gjithmonë gënjejnë”.
Por kur Vasili me shokë, nuk përmbahen në llogoren e baltës mbi Shqipërisë, që sipas tyre është në stanjiacion, është marrë peng, ka vdekur, nuk progreson, nuk tejkalon sfida, për shqiptarët që sipas tyre nuk punojnë por vetëm mbjellin e shesin kanabis, kjo është lebetitëse!
Kjo tregon se sa pak e duan vendin këta njerëz që pasi morrën e zhvatën gjithë cfarë mundën prej tij, tani u ka ngelur vetëm ta nxijnë me çdo kusht.
E gjitha e ka një arsye. Vjen në një momentum, që nëse nuk ndiqet, Shqipëria do ta ketë të vështirë ta kapë sërish, e aq më pak të bëhet një vend normal. Rekomandimi pozitiv i Komisionit Europian për çeljen e negociatave, drejtësia e re që po afron, administrata e çliruar nga milintatët dhe parazitët, ekonomia në rritje, zyrtarë që japin llogari për pasuritë e dyshimta, janë kërcënimi serioz dhe frika e madhe për LSI-në e Petrit Vasilit.
Shqipëria që ngrihet, është armiku i madh i LSI-së, më shumë se sa vetë Edi Rama.
Tani që Shqipëria ngrihet për të ecur më larg, Vasili me shokë kanë marrë pushkën, t’i bien në kokë para se të bien vetë!
Leave a Reply