Mero Baze
Kuvendi I Kosovës zgjodhi sot Glauk Konjufcën, kryetar të Kuvendit të Kosovës, pas dështimit të bisedimeve mes LDK e “Vetvendosjes” për formimin e qeverisë së re. Kryetari I ri I Kuvendit u zgjodh pa marrëveshje, i propozuar nga “Vetvendosja” dhe i votuar nga LDK si kryetar pakice, edhe pse nuk kishte miratimin paraprak të saj.
Zhvillimi I ri I hap rrugë formalisht ngritjes së institucioneve, por realisht, më shumë se sa një përgatitje për të qeverisur, duket si fillimi I një procesi për të mos marrë përgjegjësi për qeverisjen dhe shkuarjen në zgjedhje të reja.
Fakti që LDK nuk e bllokoi zgjedhjen e kryetarit të Kuvendit, edhe pse nuk kishte marrëveshje, është shenjë që tregon se LDK nuk dëshiron të jetë përgjegjëse për dështimin e Marrëveshjes që mund të çoj vendin në zgjedhje të reja.
Në këtë mënyre ajo po përpiqet të ekspozojë “Vetvendosjen” si një forcë politike që kërkon gjithë pushtetin, dhe nuk ka aftësi për kompromise.
Nga ana tjetër “Vetvednosja” e bëri fakt të kryer zgjedhjen e kryetarit të Kuvendit, pasi duket, më e interesuar të çoj vendin në zgjedhje të reja, duke provokuar LDK, se sa të ulet të qeverisë me ta.
Formalisht Presidenti Thaçi I jep nesër mandatin e kryeministrit Albin Kurtit, I cili ose do formojë një qeveri vetëm me “Vetevendosjen” pra qeveri pakice, të cilën ironikisht mund ta votoj sërisht LDK, ose do ta dorëzoj mandatin tek LDK si parti e dytë.
Këtu ka një debat ligjor dhe politik.
Kujt duhet tia jap mandatin e dytë Hashim Thaçi, Isa Mustafës apo Vjosa Osmanit?
Duke qenë se bëhet fjalë për mandatin e kryeministrit, LDK ka pasur kandidate për kryeministre Vjosa Osmanin, ndaj mandatin e kryeministrit, nëse i vjenë rradha për këtë LDK, Presidenti duhet t’ia jap Vjosa Osmanit dhe jo Isa Mustafës.
Qytetarët votuan LDK e Vjosa Osmanit, dhe jo LDK e Isa Mustafës, votuan të kenë kryeministre Vjosa Osmanin. Injorimi dhe izolimi I saj pas zgjedhjeve, është një delegjitimim I mandatit real që qytetarët I dhanë LDK.
Ndaj në këtë pikë Presidenti Thaçi ka detyrim ligjor dhe politik, tia ofroj mandatin Vjosa Osmanit, pasi ajo ka qenë e mandatuara për kryeministre nga LDK. Ajo ndoshta e gjen në raundin e dytë gjuhën për një qeveri të re ndoshta dhe me “Vetvendosjen”, apo me të tjerë, por së paku ka një mandate moral për ta bërë këtë.
Kjo do të vërë në provë dhe Albin Kurtin, I cili prej sot, nuk po kërkon rrugë si të qeverisë, por po kërkon si të shkojë në zgjedhje të reja.
Provokimi që bëri në Kuvend duke paraqitur pa marrëveshje Glauk Konjufcën për kryetar Kuvendi, ishte shpresa e parë që të rrëzohej ende pa nisur Kuvendi.
Kjo nuk ndodhi fal taktikës së LDK. Tani para se të shkohet në zgjedhje, duhen vënë në provë jo vetëm Albin Kurti por dhe Vjosa Osmani. Kjo do të zbuloj realisht, nëse Albin Kurti, është po aq I vjetër sa Isa Mustafa ndaj saj, apo do ti hap rrugë komprosit që mund të ndryshoj dhe LDK edhe Kosovën.
Nxitimi I tij për tu shpallur fitmitarë pa fituar shumicën, dhe aq më tepër mungesa e artit të komprosimit për qeverinë e re, në fakt e vjetëruan fitoren e tij, ende pa e shijuar. Tani durimi I tij për të pranuar kandaiten tjetër pë rkryeministre për të respektuar votnë pë rndryshim të qyetarve, do të dëshmoj, nëse ai ka pasur synm ndryshimin, apo pushtetin.
Leave a Reply