/Mero Baze
Kritikët e qeverisë nuk kanë qenë kurrë më konfuz se në këto kohë. Edhe pse ka boll probleme që mund të ekspozohen për të dëmtuar qeverinë, çuditërisht kritikët më të zellshëm të saj, bëjnë përpjekje për ti zbukuruar socialistët.
Ilustrimi më I mire i kësaj idiotësie, është teza që i riu nga Bularati, u vra pas një marrëveshje mes Ramës dhe Cipras. Sipas këtij skenari, Ciprasi I ka premtuar Ramës ta bëj “patriot” në Shqipëri dhe I ka dërguar një “kokë turku” për ta vrarë. Dhe e gjitha kjo që Edi Rama të dal patriot.
Duke qenë një arsyetim komik, për një çështje thellësisht tragjike, ku është një vdekje në mes, natyrisht që është siklet të debatosh me një idiot, por një pyetje ngelet pezull për gjithë qytetarët normal. Mirë Edi Ramën që po e bëjnë grekët me zor “patriot”, por këta të opozitës kush I pengon të bëhen patriot, meqë ky qenka zanat I lakmuar?
Natyrisht që nuk pres përgjigje nga të njëjtët idiot, por është e pabesueshme, se si një opozitë e tërë, vrapon pas një budallallëku dhe ankohet që grekët po bëjnë “patriot” Edi Ramën, a thua se patriotizmi në Shqipëri është një licensë që jepet nga Athina, dhe këta opozitarët tanë , janë të persketuar që nuk po I bën njeri patriot, biles më keq, Athina po I detyron që këta të opozitës, të jenë me ata.
Në fakt nuk është kurrfareë patritoizmi të bësh politikë me një viktimë si ai djali nga Bularati, dhe akoma më keq të quhesh patriot pse vrave një qytetar me kombësi greke, pamvarëisht rrethanave specifike kriminale të përligjura në këtë rast, por kompleksi I opozitës që sillet sikur dikush e persektuon duke e penguar të bëhet patriote, është sa qesharakë për ta, aq dhe favorizues pa arsye për socialistët, të cilët nuk është se kanë objektiv të tyre nacionalizmin. Përkundrazi ata janë pjesa më liberale e shoqërisë.
Një rast I dytë është Erion Veliaj. Kryebashkiaku I cili ka shtruar rrugën për mandatin e dytë, tashmë po përpiqet të sulmohet si “disident” I PS. Ky skenar ka muaj që tirret dhe ilustrohet me çdo gjë të rastit që u del përpara. Për shembull këtë javë u ilustrua me foton e Fatmir Xhafaj, I cili tashmë është vetëm deputet I PS, dhe kishte shkuar në zonën e tij elektorale në Tiranë, ku Veliaj kishte një dëgjesë. E gjtiha kjo u shpall disidencë.
Që ta sqarojmë mirë, kryetari I PD Lulzim Basha, ka thënë pas dorëheqjes së Xhafës (po se dëgjoi njeri) që dorëheqja e Fatmir Xhafës është fitore e tij. Por në PD bën sikur nuk e dëgjuan dhe Berisha dha nja tre versione të tjera, kurse çdo idiot në PD shtoi dhe nga një version, duke e bërë atë “dissident” me Edi Ramën. Pasi e zhdukën versionin e Lulzim Bashës që Xhafaj u shkarkua prej opozitës, dhe e caktuan që e shkarkoi Rama , vet opozitarët caktuan që dhe Erioni ka problem me Ramën meqë u shfaq bashkë me Xhafaj.
Tani të shkretët demokratë nuk dinë kë të besojnë, Lulzim Bashën që thotë që Fatmir Xhafën e shkarkoi Basha, apo gjithë PD dhe Doktorin që thonë se e shkarkoi Rama, për dhjetra arsye të tjera.
Nga ana tjetër, nuk dinë kë të besojnë, akuzën që Erion Veliaj është beniamin I Ramës, apo këtë që është disident I Ramës.
Të vizatuarit e socialistëve si një parti me shumë ngjyra, me shumë zëra me shumë individualite dhe debate dhe mbi të gjitha si shumë patriote, është një vizatim shumë I bukur, por në fakt I gënjeshtërt. Zakonisht gënjeshtart e bukura i thonë ata që duan ti mbrojnë socialistët, por ky është rast ekstrem, që socialistët duan ti bëjnë të duken të bukur, kundërshtarët e tyre.
Me sa duket kultura monokromatike e PD, ku disidenca është krim, dhe debati I ndaluar, u duket si një armë efikase për ta eksportuar dhe tek kundërshtarët e tyre. Kjo është një përpjekje për të zbukuruar me zor socialistët, për ti bërë ata të duken një parti shumë perëndimore dhe të hapur, çka në të vërtet nuk janë. Por kanë fatin që kanë kundërshtarë idiot, që duan ti bëjnë me zor të tillë.
Leave a Reply