Me 8 Dhjetor 1990 i kam grisur tim eti të gjitha dekoratat dhe vlerësimet dhe fletëlavdërimet që i kishte dhënë Pushteti dhe ia kam hedhur një pjesë nga dritarja dhe një pjese në hale edhe pse isha i vogël në moshë.
35 vjet në det i ka kursyer Shtetit dhjetëra miliona dollarë sepse ishte tornitor dhe mekanik i paarritshëm. Shteti i tij komunist e cilësonte si duarartë dhe kishte shtatë inovacione të regjistruara nga duart e tij.
Italianët, gjermanët, francezët, suedezët i thonin maestro rri tek ne dhe vendos pagën që do ti, por nuk pranoi sigurisht se fundi ishte internimi për ne.
Sot si shpërblim merr nga Shteti që i shërbeu gjithë jetën dhe të cilit i dha aq shumë 100 euro në muaj pension. Ai kujton sot gjithçka me një neveri që përvëlon.
Marinarët hynin tek shtresat pak a shumë të privilegjuara. Imagjino si ka qenë situata për të tjerë. Pushtimi vazhdon, nga një tjetër kastë banditësh e hajdutësh të kuruar me kujdes.
As mos përjetoni me të voglin iluzion. Ata që ju kanë pushtuar për pesëdhjetë vjet ata ju drejtojnë dhe sot. Ka ndryshuar etiketa, kollarja dhe papjoni!
Leave a Reply