ELDA SHABANI/ Si një gjethe vjeshte

Ka shumë arsye për të dashur vjeshtën! E pranoj se e dua ngrohtësinë dhe sasinë e pafund të diellit në stinën e verës që të ofron vendi ynë, por nuk ka asgjë të ngjashme me sezonin e vjeshtës. Sezoni i pranverës është shumë i gjelbër, vera është shumë e nxehtë, dimri shumë i ftohtë ndërkohë vjeshta, është plot me ngjyra madhështore, nje ylber gjethesh.

Të gjitha gjethet kthehen në vepër arti. Vjeshta sjellë me vete një cikël të bukur humbjeje dhe netë më melankolike. Koha e përkryer për të filluar kakaon e nxehtë. Stina e Vjeshtës krijon një ndjenjë rehatie, ngrohtësie dhe reflektimi, ku mund të kaloni kohë cilësore me familjen dhe të shijoni një ushqim të mirë.Ky sezon është i përkryer për të bërë fotografi të bukura skenike dhe poetike. Asgjë më relaksuese dhe rigjeneruese se sa një shëtitje në natyrë dhe të shijosh peisazhin përreth.
Ngjyrat forta dhe të gjalla të së kuqes, e verdha e artë, mustard ose dhe kombinimet e të dyjave të cilat së bashku mbizotërojnë tek gjethet e vjeshtës.

Koha është e përsosur, me temperaturat më të freskëta, duke i dhënë lamtumirë temperaturave të larta. Është një kohë e mrekullueshme për të veshur një kardigan të ngrohtë gjatë mbrëmjeve,shalle shumëngjyrëshe apo dhe kapelet në përgatitje për ndryshimin e sezonit.

Si një gjethe vjeshte në një degë të brishtë të pemës, veshjes tënde nuk do t’i mungojnë koloret e natyrës e shkrirë me fantazinë e modës 2018 e cila do të jetë mesa duket shumë e larmishme, nga rijetësimi I viteve 80’ tek magjia e kafshëve si tiger, piton,zebra, apo ngjyra neoni..