ANALIZA/ A është dhe Britania në prag të recesionit?

Ekonomia e Britanisë pësoi një ngadalësim të mprehtë në tremujorin e fundit të vitit 2018, duke u rritur me vetëm 0.2 për qind.

Zyra Kombëtare e Statistikave raporton se PBB-ja ka rënë me 0.4 përqind në muajin e fundit të vitit 2018.

Kjo është më e keqe se sa parashikohej nga ekonomistët.

Rënia e PBB-së vetëm do të rriste frikën që ekonomia britanike po vuan nga “ankthi i Brexit”, përfshirë një luftë tregtare midis SHBA dhe Kinës, ngadalësimi në eurozonë, ku dhe Italia tashmë ka rënë tashmë në recesion.

Raporti i PBB-së tregon se prodhimi industrial britanik ra për muajin e gjashtë radhazi, që do të thotë se është në recesion për herë të parë që nga kriza financiare.

Rënia e prodhimit industrial në dhjetor arriti në 0.7 për qind.

Recesioni është definuar si dy tremujorë radhazi të rritjes negative, raportojnë mediat.

Sektori i shërbimeve në Mbretërinë e Bashkuar kishte pjesën më të madhe të rritjes në tre muajt e fundit të vitit 2018.

Një tremujor i keq për prodhuesit e makinave

Në periudhën tetor-dhjetor ky sektor ra me 0.4 për qind.

Prodhuesit britanikë dhe prodhuesit e çelikut kishin një tremujor veçanërisht të keq, thotë Robert Kenneth Smith, kreu i PBB-së në ONS.

“PBB-ja u ngadalësua gjatë tre muajve të fundit të vitit 2018 me rënien e prodhimit të automjeteve dhe çelikut, por sektori i shërbimeve vazhdoi të rritet me sektorin e shëndetësisë, konsulentët e menaxhimit dhe IT”, thotë Kenneth Smith.

Deficiti tregtar i Britanisë është zgjeruar pak në tre muajt e fundit të vitit 2018, ndërkohë që investimi i biznesit ka rënë përsëri, tani për tremujorin e katërt me rradhë, tha ai.

Shifrat e rritjes vjetore tregojnë gjithashtu një tablo shqetësuese.

Edhe Gjermania është në recesion

Reuters javën e kaluar raportoi se prodhimi industrial gjerman ra ndjeshëm në dhjetor, muajin e katërt me rradhë, gjë që është një sinjal tjetër se rritja ekonomike në ekonominë më të madhe të Evropës po bie.

Të dhënat nga Byroja Federale e Statistikave tregojnë se prodhimi industrial në dhjetor ra me 0.4 përqind, tha agjencia.

Analistët thonë se është gjithnjë e më e mundshme që rritja ekonomike në tremujorin e katërt të bjerë, gjë që do të thotë që Gjermania ra në recesion pasi regjistroi një rënie të prodhimit të brendshëm bruto (PBB) dhe në tremujorin e tretë. (tesheshi)