Mero Baze/
Letra e Presidentit Ilir Meta drejtuar Shefit të OSBE në Vjenë, Lajcak, vlen vetëm për të kuptuar se kujt mund ti dërgoj aktualisht letër Ilir Meta. Ose më mirë, tregon se sa pak kuti postare ka, që pranojnë letra prej tij.
Letra nuk ka ndonjë dallim nga ato që Presidenti thotë dhe vepron publikisht si udhëheqësi më protagonist I opozitës. Ai nuk e ka fshehur deri tani se mbështet kauzën e opozitës, mbështet bojkotin e zgjedhjeve dhe parlamentit, mbështet protestat e dhunëshme mbi institucione, dënon reagimin e policisë së shtetit, urren Bindjen Demokratike, por mbi të gjitha nuk e ka fshehur që mbështet taktikën e opozitës për të nënshtruar sistemin demokratik në Shqipëri.
Në këtë pikë letra nuk të çudit, dhe nuk ja vlen as të komentohet.
Por siç thashë, letra vlen për të kuptuar se Ilir Metës i kanë mbetur shumë pak dyer për të troktiur.
Një letër të tillë ai mund tia niste Sekretarit Pompeu, por meqë gruaja e tij, një muaj më parë ishte vet në SHBA dhe është sqaruar dhe bindur se SHBA nuk ka nevojë të sqarohet për gjendjen në Shqipëri, nuk ja ka shkruar atij.
Mund t’ia niste dhe Presidentit të BE, por meqë një javë më parë Presidenti Junker, e tha qartë pikpamjen e tij, dhe u duk se ishte i sqaruar, Ilir Meta nuk ja ka dërguar.
Mund t’ia çonte dhe Kancelares Merkel, apo Presidentit Macron, por dhe ata janë të qartë.
Ja ka çuar zotit Lajcak, jo se ai nuk është i qart, por se shpreson që të bëj dhe një diversion me këtë rast, me përfaqësinë e OSBE në Tiranë, duke u treguar këtyre që ky mund të komunikoj me shefin e tyre direkt.
Kjo është një gjë qesharake, por që tregon seriozitetin me të cilin Ilir Meta ka vepruar për të institucionalizuar linjën revolucionare antiinstitucionale të opozitës në Shqipëri.
Dhe në këtë pikë mendoj se i ka bërë dhe nder qeverisë. Zoti Lajcak do të ketë mundësinë të kuptoj nga vet letra, se Presidenti është në krye të punëve të këtij revolucioni dhe po kërkon ndihmën e OSBE për ti dhënë shanse të trimufoj.
Por problemi që ka OSBE, është se ajo merret me zgjedhje dhe jo me revolucion. OSBE është e vetmja adresë e gabuar për të ndihmuar revolucionin, pasi ajo egziston ende, pikërisht se ka parti që prishin zgjedhjet. Biles më sakt, OSBE mund të ishte shkrirë, nëse nuk do të vidheshin votat nga tipa si Sali Bersha më 96, Ilir Meta më 2001 e në vazhdim. Ndaj zoti Lajcak, edhe pse nuk është armiqësor me Ilir Metën, pasi e ka shpëtuar një herë pas vrasjeve më 21 janar, nuk e ndihmon dot, pasi i ka shkruar njeriut të gabuar. Por nuk ka faj, pasi Presidenti ynë, nuk ka kujt ti shkruaj.
Leave a Reply