Gjatë protestës së dhunshme në selinë e PD-së, një zhvillim i rëndësishëm, përveç numrit të vogël të pjesëmarrësve, ishte mosdalja në pah rreth Sali Berishës, i deputetëve që e kanë përkrahur që nga foltorja e parë.
Edhe në daljen e tij dje, kur u rikthye në selinë e shkatërruar të PD-së, ra në sy mungesa gjithashtu e një grupi të deputetëve që e kanë përkrahur pas 9 shtatorit.
Mungesa e djeshme ishte thuajse identike me atë të së shtunës.
I gjendur në këtë situatë, Berisha drejtoi një diversion ndaj deputetëve të Partisë Demokratike, ku siç tha që “protesta jonë ishte paqësore”, shtoi se Lulzim Bashën e kanë bojkotuar të gjithë deputetët.
Paralelisht me këtë linjë, mbështetësit mediatikë e afërt të Berishës kanë mbajtur të njëjtën linjë, duke i bërë thirrje deputetëve të opozitës, që ose të djegin mandatet, ose të mos përkrahin Lulzim Bashën, duke e lidhur këtë linjë si mbështetjen për Edi Ramën.
Në fakt, me kalimin e kohës, kur situate do të nisë të qartësohet gjithnjë e më shumë, do të kuptohet se fuqia politike e Sali Berishës është rrudhur deri në atë masë, sa ai do të jetë një faktor periferik, pra një drejtues i një partie të vogël që përkrahet thjesht nga një grup militantësh.
E deputetët, natyrisht do të shkojnë ku lëviz edhe gjilpëra e busullës në orientimin e gjëografisë opozitare.
Në këtë sens, edhe thirrja që bën në mënyrë të përsëritur Lulzim Basha, se do të diskutojë e dialogojë me të gjithë mbështetësit e Sali Berishës, por jo me të, i ka cytur edhe më shumë zhvillimet në këtë lëmi.
E sipas gjasave, Basha edhe mund të ketë avancuar në hapjen e një linjë komunikimi me të gjithë ata parlamentarë që përkrahin Berishën e nuk kosiderohen si shtabi i tij i ngushtë.
Përveç Belind Këlliçit, Albana Vokshit e Flamur Nokës, që mbanin edhe poste të larta politike në strukturën e PD-së, për të cilët duket e pamundur një rikthim me Bashën, 10 deputetët e tjerë, nuk duket se e kanë të djegur këtë mundësinë.
Sidomos ata që kanë aksione të rëndësishme në bazën e PD-së në qarqet që përfaqësojnë. Duke nisur këtu që nga Vlora, me Bujar Leskajn, në Fier me Luan Baçin, Edmond Spaho në Korçë etj. Tritan Shehu, i cili është rreshtuar që në fillim me Berishën, madje ishte edhe dje në rikththimin e tij në selinë e PD-së, nuk preferoi të dalë në televizion si pjesë e “grupit të zjarrit’.
Shehu, ka në karrierën e tij të gjatë, disa përvoja kur është larguar nga Berisha, madje ka dalë edhe kundërshtar i tij. Po ashtu edhe vetë Edi Paloka, që është një mbështetës i fortë dhe nga të parët i ish-kreut të PD-së mungoi si në daljen e “komisionit të rithemelimit” në komisariatet e policisë, të shtunën në darkë, as në takimin e djeshëm përpara selisë së PD-së.
Edhe dje, Lulzim Basha, adresoi një thirrje më të fortë drejtuar deputetëve dhe mbështetësve të Sali Berishës. “Le të vijnë që ta rithemelojmë nga e para PD-në, aty ku është e nevojshme”, tha kreu i PD-së, i cili deklaroi se të vetmit që nuk negocon janë “Berisha dhe grupi i njerëzve me precedentëve penalë”.
Në ktë atmosferë, e cila do të zgjasë ca do të prevalojnë natyrisht interesat, e ku bazike janë mundësia e deputetëve aktualë për të rikandiduar…
TemA
Leave a Reply