Presidenti Ilir Meta vendosi të mos dekretojë Sandër Lleshin në krye të Ministrisë së Brendshme, propopozim ky i bërë nga kryeministri Rama.
Për këtë lëvizje të Metës, Rama u dërgoi një mesazh në celular deputetëve të PS-së, të cilëve u tha të mos e komentojnë vendimin
Por një nga pyetjet që është përsëritur së tepërmi pas mosdekretimit të Lleshit, është se: “A do të shkarkohet Presidenti Ilir Meta?”.
Kësaj pyetje i është përgjigjur ish-ministri i Drejtësisë Ylli Manjani, i cili si jurist shpjegon se edhe nëqoftëse mazhoranca do ta kërkonte diçka të tillë në Kuvend, ligjërisht do ta kishte të pamundur sipas tij pasi Kreu i Shtetit shkarkohet vetëm me 93 vota.
“Pyetja e radhës është: a do shkarkohet Presidenti i Republikës pas mosdekretimit?
Përgjigja ime është: Nuk kam si e nga ta di do shkarkohet Presidenti apo jo. Por mund t’u sjell në vemendje nenin 90.2 të Kushtetutës. Sipas këtij neni Presidenti i Republikës shkarkohet nga Kuvendi kur;
Ka kryer një krim të rëndë, ose ka shkelur rëndë Kushtetutën. Nuk besoj se mosdekretimi i Sandrit është i tillë.
Votojnë jo më pak se 93 deputetë pro shkarkimit. Rilindja e vetme nuk i ka kaq numra në Kuvend.
Vendimin e shkarkimit duhet ta vlerësojë Gjykata Kushtetuese, e cila nuk ekziston. Besoj ku nen e sqaron plotësisht pyetjen. Të diel të mbarë!”– shkruan Manjani në facebook.
Leave a Reply