Nga Romeo Kara
Eshte e disata dite, qe une dhe qindra mijera si une, po perballemi me probleme teper serioze me trafikun dhe bllokimin e kryqezimeve kryesore nga studentet. Per arsye politike dhe kompleksimi, qeveria dhe policia, po lejon qe, studentet apo nje pjese e tyre, të manipuluar ose jo, te marrin peng te drejten tone, per te levizur, ne qytetin ku kemi lindur dhe banojme dhe i cili i ka mirepritur te gjithe pa perjashtim.
Nese qellimi i bllokimit të rrugeve, eshte qe ne si qytetare, të imponohemi dhe te rradhitemi ne krah te studenteve, per te kerkuar te drejtat e tyre, atehere po ju them hapur dhe shkoqur studenteve dhe “profesoreve” pas tyre: “une dhe te tjere si une, kurre nuk do te pranojme te na marre peng arroganca dhe dhuna. Askush, me mend në koke dhe dinjitet, nuk pranon te rekrutohet me dhune, ne mbeshtetje te nje proteste, sado te drejta qe te jene kerkesat. Nese mendoni se, populli do te stresohet nga dhuna juaj ne bllokimin e rrugeve, dhe do ti kundervihet qeverise, perseri ju them se, jeni teresisht gabim dhe jo në rrugen e duhur.
Nuk eshte dhe nuk duhet te jete ky niveli i studenteve. Qenia student, nuk ju jep priviligjenin të jeni arrogante, te pasjellshem dhe anarshiste. Ajo c’ka bete me nje gazetare, eshte turpi juaj. Perballjen e keni me qeverine, por padrejtesisht po i krijoni kosto popullit te Tiranes dhe atyre qe vijne e ikin nga Tirana. Dijeni mire se, arrogancen tuaj nuk e fshin fshesa me te cilen pastroni para ministrise apo kryeministrise. Ju duhet te jeni te perulur, respektues dhe dinjitoze njekohesisht, ne kerkimin e mbeshtetjes, qe kerkoni te krijoni me kete proteste, duke krijuar realisht nje perballje vlerash me qeverine dhe me gjithe spektrin kriminal politik shqiptar.
Protesta juaj nuk e ka forcen tek numri i protestuesve, por te pastertia e saj, tek e drejta brenda saj, prandaj mbajeni të paster protesten, larg deformimeve ku te con adrenalina e turmes”.
Leave a Reply