Nga Mentor Kikia
Takova një koleg sot, që ka patur plot telashe në jetën private. E pyeta se si po e përjetonte këtë punën e Elvana Gjatës dhe më tha se ishte shumë i trishtuar.
“Kam kaluar shumë probleme këtë vit, por këtë nuk e mbajta dot. Nuk e di si do të zgjidhet kjo punë.”
Unë shpresoja që me këtë çështje të merrej SPAK-u.
Por një prokuror, që e njoh, më tha se edhe ata janë gjendur para një të papriture. Ligji i ri për drejtësinë nuk e kishte parashikuar një rast të tillë.
Me thanë se nëse ndërhyn OSBE-ja, mund të bëhet një amendim i shpejtë dhe ata mund të merren edhe me çështje të tallavave.
Madje mund të sanksionohet edhe sa herë duhet ti ndërrojë fustanet prezantuesja. Çështë ky kaos, hyn e del Alketa, një fustan për dy këngë.
Por shpresat janë tek një protestë që po përgatitet, e cila mund të çojë deri në përmirësimin e kuadrit ligjor.
Boll halle të tjera kanë shqiptarët, por edhe Elvanën kishin mangut këtë fund viti.
Tërmeti paska qenë lule!
Leave a Reply