Këto foto(të parat) i përkasin periudhës së viteve ’70 të shekullit të kaluar, dhe ishin pjesë e politikave të regjimit për emancipimin e grave.
Duhet pranuar, se falë këtyre politikave, gruaja, nga një vegël pune dhe makineri riprodhimi, mori rol në shoqëri.
Nga perandoria osmane, ne nuk trashëguam veç parapambetjes së madhe ekonomike, edhe në krahasim me fqinjët, por trashëguam një maskaradë sociale, ku gruaja ishte viktima më e madhe e saj.
E shtypur në skallvëri nga besimi fetar dhe injoranca. Ndaj, nëse ka gjë që duhet vlerësuar në atë periudhë ishte revolucioni shoqëror.
Sot, me keqaradhje, shikojmë se si po ecet në të kundërtën e kësaj arritjeje të shoqërisë.
Fanatizimi fetar mysliman, po vesh dhunshëm(edhe pse jo me dhunë) gratë me shami, ferexhe e burka. Ne jemi një shoqëri e lirë, dhe çdo kush beson kë të dojë e vishet si të dojë, por unë vazhdoj të këmbëngul se mbulimi është një shkelje e lirisë së grave që i privon ato nga shumë veprime normale të jetës së përditshme.
Kljo është një temë e gjerë dhe delikate, por unë doja vetëm të sillja në vëmendje një sukses të shoqërisë sonë, në një prej periudhave më të zeza të saj, siç ishte diktatura komuniste.
Leave a Reply