Sot u përjashtuan nga drejtësia dy njerëz. Një gjykatëse që kishte 8 shtëpi, në Vlorë e Tiranë, që kishte disa sipërfaqe toke dhuratë nga kunati, që i blinte makinat 500 Euro, e i shiste pasi i përdorte, nga 15 mijë Euro.
Iku edhe një prokuror, që kishte një apartament, 2.5 milionë lekë dhe që nuk i shpjegoi dot KPK-së nëse kishte apo jo pjesë tek shtesa pa leje, 32 metra katrore, që kishte bërë babai i tij në Paskuqan.
Ky prokuror, zbërtheu mafian e tokave në Vlorë, sekuestroi dhjetra hektarë kullota në Karaburun, që matrapazët i kishin ndarë e shitur si toka bujqësore.
Mos po pastrohet drejtësia edhe nga të korruptuarit edhe nga ata që nuk korruptohen?
Ramadan Troci mund të ketë probleme me deklarimin, por nëse bëhet fjalë për shtesën e shtëpisë së babës, atëherë steka është ulur aq shumë sa duhet të shkarkohen edhe pastrueset e gjykatave.
Leave a Reply