Nuk më kanë kërcënuar, është dikush që vetëm llap!
Më erdhën nga disa miq, disa link-e portalesh, që kishin shkruar se mua më kanë kërcënuar. Dmth që më ka kërcënuar një deputet i opozitës. Dua ti sqaroj të gjithë se nuk jam kërcënuar, apo nuk ndjehem i kërcënuar fare. Eshtë një deputet i PD-së, që më ngeci në derë, pasi e mora për ligjvënës dhe bëra një replikë, dhe tani s’më ndahet, shan e shpif.
Përveç neverisë, nuk ndjej asnjë kërcënim. Kështuqë i ftoj dhe mediat apo portalet e lajmeve, që të mos e banalizojnë fjalën kërcënim. Pasi në fund të fundit, as ai vetë kur ka këputu ato brrockulla, nuk i ka patur për kërcënime. Ai ka shkruar ashtu sepse vetëm këtë di të bëjë. Ndaj, nëse keni hallin tim si koleg, më bëni një nder. Mos ia vini re!
Nëse ju interesojnë hallet apo hallatet e shtëpisë time, ua tregoj vetë. Por nuk besoj se i hyjnë kujt në punë.
Leave a Reply