Nga Gurjan Doçi
Një tërmet i fuqishëm goditi Shqipërinë, ku rrënoi disa godina, mbetën 51 të vdekur e ndërsa me qindra të tjerë u plagosën.
Fatkeqësitë janë dukuri që janë të vështira për t’u përballuar në vende shumë të zhvilluara, e jo më nga vendi jonë që është në përpjekjet e para për t’u bërë shtet.
Raste të tilla, janë nga ato pak raste kur e gjithë politika bëhet bashkë për të përballuar pasojat. E gjithë shteti u ngrit në këmbë, edhe pse eksperienca për të tilla ngjarje ishte thuajse zero.
Edhe pse kreu i Opozitës u mundua të menaxhonte këtë situatë, duke zhvilluara disa takime me banorë të prekur, nuk mund të tejkalojë veten.
Lulzim Bashën e ka kapur frika se po u ule në tavolinë me Ramën je i humbur, e kjo psikozë lindi me marrëveshjen e 17 majit.
Kjo ndodhi edhe në rastin e kësaj fatkeqësie natyrore, ku Rama i bëri thirrje për t’u ulur për përballuar bashkë këtë situatë, duke i kërkuar edhe propozime konkrete.
Por, Lulzim Basha mendon se duke mos u ulur në tavolinë e duke refuzuar Ramën, ai del më i fituar.
Nuk ka dhe nuk do të ketë moment më të përshtatshëm se ky për të krijuar një frymë mbështetëse për opozitën.
Por opozita mendon se nëse një ide në të mirë të qytetarëve, merret dhe arrihet të implementohet nga qeveria është humbje.
Në fakt jo! Disa propozime të opozitës, kryeministri Rama doli e tha që janë të mira, por duhet që të ulen në tavolinë për të konkretizuar.
Për Lulzim Bashën, lutja më e madhe është që qeveria të dështojë, që të fitojë politikisht, duke mos i dhënë shumë rëndësi se çfarë ndodh me qytetarët.
Ndryshimi mes opozitës dhe pozitës në botë, nuk shihet te dështimi, por shihet se cila palë është më e suksesshme në politikat e saj.
Halli më i madh i opozitës ishte se Rama po tenton që të shtyjë zgjedhjet e parakohshme, me shtyrjen me 3 muaj të afatit të Gjendjes së Jashtëzakonshme.
Nëse nuk është e vërtetë, të paktën kështu të jep përshtypjen reagimi zyrtar i Partisë Demokratike ditën e djeshme.
Është e trishtë që në një situatë të tillë, partia më e madhe opozitare të mendojë për zgjedhjet, në vend që në çdo artikulim në daljet publike të jetë përmirësimi dhe angazhimi që të përmirësohen kushtet e qytetarëve pas tërmetit.
Megjithatë një gjë mund të thuhet me bindje: Tërmeti lëkundi edhe politikën.
Leave a Reply