Titulli: “Mozaik vjeshte, 2017”
Miqtë e mi, në këto ditë vjeshte më lindi një mendim që dua ta ndaj me ju: të organizojmë në Facebook një konkurs miqësor fotografik me foto nga pamje të natyrës në vjeshtë. Kjo stinë nga nga më të bukurat e natyrës, na dhuron një magji ngjyrash. Disa nga pikturat më të bukura të piktorit të shquar korçar, Vangjush Mio dhe të mjaft piktorëve të tjerë të njohur, mbajnë vulën e kësaj stine. Le të përcjellim mes nesh foto të fiksuara në natyrë në këtë stinë, kudo që ndodheni. Do dëshiroja që më të bukurat të ishin nga Shqipëria, midis tyre nga vendlindjet tona. Le të kënaqemi me pamje natyre dhe të qetësohemi pak nga nervat e politikës shqiptare. Për këtë konkurs miqësor, mendoj të ketë edhe një juri nga njerëz që e duan fotografinë dhe janë aktivë në këtë faqe. Konkretisht mendoj që të jenë:
1.Kosta Nake, krijues i njohur në Bilisht, autor i disa librave në prozë e poezi, i dashuruar pas natyrës dhe fotografisë.
2. Mevlan Shanaj, aktor dhe regjisor i shquar, i përkushtuar pas fotografisë, veçanërisht atyre të natyrës.
3. Bujar Kokonozi, operator dhe regjisor i shquar, i përkushtuar gjithashtu pas fotografisë.Këta miq, le të komunikojnë midis tyre dhe të ndjekin fotot qe do dërgohen .
Shënim: Këta persona mendova unë, bile nuk jam konsultuar me ata, por besoj se do ta mirëpresin këtë mendim. Dikush mund të propozojë edhe ndonjë tjetër. Po qe se shtohen , duhet të bëhen 5, që mos kenë “probleme” kur të shpallin rezultatet.
Së fundi mendoj që rezultatet të shpallen në dhjetor, në prag të Krishtlindjeve dhe Vitit të Ri 2017. Të jepen çmime për foton si dhe për ciklin fotografik më të mirë.
Për ta çelur këtë konkurs, po përcjell një mozaik fotosh të bëra në Boston këto ditë tetori.
Leave a Reply