Në kohën e koronavirusit lulëzojnë shumë rrena. Si të mbroheni? Dhjetë propozime nga gazeta gjermane “Süddeutsche Zeitung”
1.Merrni frymë thellë dhe mos reagoni me afekt kur në Whatsapp, Twitter, Facebook shfaqet ndonjë lajm.
2.Lajmet që shpërndahen në mediat sociale verifikoni dyfish.
3.Shikoni sa i besueshëm është burimi i informacionit.
4.Situatat e krizave janë të mirëseardhura për manipulues. Qëndroni skeptik ndaj lajmeve spektakulare.
5.Mos shpërndani “buletine” me pretendime të dyshimta apo të paverifikuara.
6.Mbroni njerëzit dhe mos shpërndani fotografi që tregojnë njerëz që (gjoja) janë të infektuar me koronavirus.
7.Më së miri për gjendjen njoftoheni nga institucionet përgjegjëse, komuna, qyteti, spitali.
8.Kujdes sa i përket ilaçeve. Mos shpërndani lajme që zgjojnë shpresën se ilaçi kundër koronës është gjetur. Shkencëtarët janë duke punuar me intensitet, por deri më tani nuk ka ende vaksinë apo ilaç.
9.Mos fajësoni të tjerët. Çdo shpërndarje e fajësimeve, u jep rëndësi përmbajtjeve njollosëse.
10.Kontribuoni për qetësi. Mos ndillni frikë. Mos shkaktoni panik. Mos fotografoni dyqane që gjoja janë të zbrazëta. Ndjellja e frikës e bën gjendjen edhe më të keqe.
Leave a Reply