Për ditë me radhë, të rinj të identifikuar nga media si besnikë të forumeve rinore të partisë demokratike dhe lëvizjes socialiste për integrim ndërmorrën një aksion pengues për mijëra studentë që kërkonin të zhvillonin mësim, bllokimin e mjediseve universitare, herë me dhunë e herë me shfaqje banale si këngë e valle.
Ndërkohë që këto skena përsëriteshin, pikëpyetja e madhe ishte se përse të rinjtë kishin zgjedhur një strategji të tillë, bllokimin dhe ngujimin, në kurriz të studentëve ekselentë që prisnin të merrnin dije… ? A ishte kjo strategji e planifikuar dhe e diktuar nga drejtuesit e partive të tyre? Faktet tregojnë që po, dhe kjo përforcohet akoma më tej nga njoftimi i djeshëm, sipas të cilit studentët që bllokuan universitetet kanë vendosur të krijojnë një parti të re. E thënë shkurt, një parti e re, përmes të rinjve të partive të vjetra. E kjo nxjerr në pah përpjekjen e vazhdueshme të opozitës për të keqpërdorur të rinjtë e forumeve të saj, në dëm të studentëve që kërkojnë prej kohësh zhvillimin e mësimit.
Të rinjtë e Lulzimit dhe Monikës mund të jenë në të drejtën e tyre për të krijuar një parti për qëllime dhe interesa të kryetarëve të tyre, por ky synim bëhet i paprinciptë kur për ta realizuar atë, shkelet mbi të drejtat e studentëve normalë që ky grup i pengon të bëjnë mësim. Një strategji e ngritur në kurriz të interesave të të rinjve dhe studentëve të zakonshëm shqiptarë, të cilët presin të zhvillojnë mësimin për të cilin kanë paguar tarifat vjetore, identifikon për të disatën herë karakterin e opozitës shqiptare.
Një opozitë që qan dhe çirret në emër të të drejtave të shqiptarëve të zakonshëm, por që është gjithmonë gati të shkelë mbi fatet e tyre për interesa të ngushta personale që në këtë rast, kanë të bëjnë vetëm me pushtetin dhe jo me fatin e studentëve.
Leave a Reply