Nëse sot, në botën e konsumit tregtar do të ekzistonte një person i cili duket sikur ka dalë nga pikturat e Matisse, ky person është sigurisht Tzipora Salamon. E gjithë qënia e saj, formimi i saj kulturor dhe intelektual, bota e saj shpirtërore dhe emocionale, filozofinë e jetës, Tzipora e shpreh nëpërmjet fantazisë dhe ngjyrave në veshje të cilat ngjajnë me pikturat e artit modern dhe avangard të shek ’20 ku objektivi kryesor për artin ishte Art Nouveau. Kjo Formë e Artit të ri nuk shpërfilli anën fizike dhe shqisore, përkundrazi gruaja tashmë ishte erotikisht e emancipuar dhe i pëlqen kozmetika. Ajo vishet me pëlhura mëndafshi dhe zbukurime duke u kthyer në një ikonë të vërtetë të kohës. Kështu pra, me këtë përfytyrim dhe imazh Tziporah, është dëshmia e bukurisë së moshës, e trupit dhe e mendjes. Është prova më qartë se bukuria nuk njeh moshë. Një grua e cila vishet për teatrin e jetës së saj, ajo është vajza e të mbijetuarve hungarezë të Holokaustit, me të cilët u zhvendos nga Izraeli në Brooklyn, ku dhe u diplomua për arsim.
Me një përvojë të gjatë në industrinë e modës, Tziporah inkurajon femrën se si të vishet si vepër arti, duke përdorur kreativitetin pa rënë viktimë e diktatit të revistave, të stilistëve dhe trendeve të fundit. I inkurajon të gjejnë dhe zhvillojnë stilin e tyre personal në mënyrë që të zbukurojnë personalitetin e tyre. Për të, forma më e lartë e artit është të njohësh veten dhe ta duash atë. Ky është hapi i parë i suksesit për një veshje të mirë. Cilat janë disa nga karakteristikat në stilin e saj që e bën kaq unike dhe të bukur e shumë konkuruese pavarësisht moshës? Stili i Salomon është një shpërthim orientalist.
Kryesisht kontraste ngjyrash, pantallona mëndafshi, por edhe pelerina apo xhaketa oversize dhe të qëndisura, me varëse të rënda, vathë, kapele e Çanta tejet pikante pa të cilat nuk do të mund t’i finalizonte të gjitha ne veshjen e saj të cilës i merr shumë kohë, ndoshta muaj e vite, ashtu sikurse bën shkrimtari dhe piktori me veprën e tij. E gjithë veshja e saj bazohet në pëlhurat antike, pasi ato zakonisht janë shumë herë më cilësore se pëlhurat e sotme dhe tërësisht unike. Ajo është në kërkim të një portreti të plotë e kështu i jep shumë rëndësi detajeve në veshje. Ajo guxon por edhe argëtohet njëkohësisht. Çfarë mëson prej saj është shumë më thelbësore se sa thjesht një kombinim në tërësi piktoresk. Në secilën prej fotove të Tziporah Salamon mund të kuptosh se veshja mund të jetë një mik i mirë dhe i sigurtë në udhëtimin e jetës sonë.
Kështu jepini kënaqësi syrit sepse veshja nuk ka të bëjë me paranë. Është një eksperiencë personale dhe shpirtërore dhe si nje vepër arti e kopjuar shëmtuar, homogjenizimi do ta dobësonte shumë këtë raport intim shijimi dhe kënaqësie.
Ky material është ekskluziv i AlpeNews.al. Riprodhimi i tij në mënyrë të pjesshme apo të plotë, bëhet vetëm me lejen e redaksisë.
Leave a Reply