U deshën vetëm pak muaj që nga heqja e kufizimeve antipemidemike, por edhe vizave për shtetasit shqiptarë, që Kina të shndërrohej për herë të parë në këto dekadat e fundit, si partnerja e dytë tregtare e Shqipërisë. Nësegjatë vitit 2002 Kina nuk figuronte as në katërshen e parë, ku renditeshin Italia (29 %), Turqia (8,4 %), Greqia (6,9 %) dhe Gjermania (6,3 %), në 6-mujorin e parë këtij viti, Kina ka pësuar një rritje spektakolare, duke u ngjitur në vendin e dytë. Sipas raportit të fundit tëINSTAT, Italia vazhdon të mbajë vendin e parë edhe gjatë 2023-it, me 37 për qind të totalit, ndërsa Greqia qëderi më tani kishte qenë e dyta, është zhvendosur dy vende më poshtë, duke ia lënë vendin e dytë dhe të tretëpikërisht Kinës dhe Turqisë. Ekonomia e dytë më e madhe e botës tashmë ka 9,0 % të totalit tëshkëmbimeve tregtare me Shqipërinë, ndërsa Turqia 7,2 %.
Në fakt, ekspertë të ndryshëm të marrëdhënieve tregtare e kishin parashikuar një rritje të lehtë tëshkëmbimeve mes Kinës dhe Shqipërisë. Sidomos pas heqjes së vizave, në 18 marsin e këtij viti. Por raportet e fundit të INSTAT-it kanë thyer të gjitha parashikimet. Vetëm për muajin qershor, Kina është mes dy vendeve tëpara ku eksportet kanë pasur rritjen më të madhe, me 10,1 %. Ndërsa sa i përket vendeve me të cilat importet kanë pasur rritjen më të madhe në krahasim me qershorin e 2022-it, Kina qëndron me diferencë nëvendin e parë, plot 50,6 %. Vetëm në 6 muajt e parë të2023-it importet nga Kina janë rritur pothuajse 40 %. Sipas burimeve nga Drejtoria e Përgjithshme e Doganave, tregtia e jashtme e mallrave me Kinën nga 33.495 milionë lekë për periudhën janar – qershor 2022u rrit në 46.784 për 2023-in. Ndërkohë që gjatë 2022-it, vëllimi i tregtisë ndërmjet dy vendeve arriti në 770 milionë dollarë, me një rritje prej 17.6 % në krahasim me vitin 2021. Edhe në vitin paraardhës ky vëllim ishte rritur me 26 për qind, ndonëse gjatë 2020-ës vlen të përmendet se importet e Kinës nga Shqipëria u rritën me 102.6 për qind në krahasim me të njëjtën periudhë të një viti më parë.
Duket se heqja e vizave, përveç kufizimeve antiepidemike, i ka dhënë një tjetër impuls marrëdhënieve tregtare dypalëshe. Vetëm pak ditëpas heqjes së vizave, në fillim të muajit prill të parët që mbërritën në Kinë ishin nga biznesi i pajisjeve hidrosanitare, për të marrë pjesë në Panairin e Kantonit. “Nuk na besohej që po vinim në Kinë, pa kaluar më parë procedurat burokratike të marrjes së vizave.” – tregon Artur Mjolli, i cili rikthehej nëGuangzhou të provincës Guangdong të Kinës Jugore pas tre vitesh mungese. Mjolli që këtë herëvinte në Kinë së bashku me vëllain e tij, Gazmendin dhe nipin e tyre, Luis, thotë se “ishte me fat që mori pjesë në panairin më të madh tregtar të organizuar ndonjëherë në botë, pas rifillimit të plotë të pavijoneve me prani fizike, që nga koha e shpërthimit të COVID-19”. Ndërkohë edhe Jovan Vruho dhe Pirro Puka, të cilët sapo janë kthyer nëShqipëri pas vizitës së tyre në Kinë, i krahasojnëtre vitet e pandemisë, me 3 dekada. “Unë kam ardhur pothuajse 30 herë në Kinë, por pas periudhës së vështirë të pandemisë, nuk mendonim se do vinte një ditë që do ktheheshim sërish në Kinë, madje edhe pa viza.” – tregon Jovan Vruho, i cili së bashku me ortakun e tij, janë ndër tregtarët më të mëdhenj të ndriçuesve në Shqipëri. “Këtëherë Guzheni (baza më e madhe e prodhimit të ndriçuesve në Kinë dhe një nga katër qendrat më të mëdha të shpërndarjes së ndriçuesve në botë)na u duk më i mirë, më i bukur dhe më i lirë.” – shton Pirro Puka.
Sikurse personazhet e misipërm, në Kinë mund të kenë ardhur edhe plot biznesmenë e tregtarë tëtjerë shqiptarë për të marrë pjesë në panairet e shumta dhe firmosur kontrata import-eksporti me homologët e tyre kinezë. Janë pikërisht ata qëvetëm brenda 140 ditëve që nga heqja e vizave, e kanë shndërruar Kinën në partnerin e dytë më tëmadh të shkëmbimeve tregtare me Shqipërinë. (CRI)
Leave a Reply