Oooo kryeministër, nuk bëhet me edukim e me lutje kjo punë, se nuk jemi aq popull i zgjuar sa c’thoshe ti dikur për të na bërë qejfin. Jemi popull budalla. Madje popull idiot. Që dalim grumbull grumbull për të blerë lakra e sallatë, qepë e sallator, e për të takuar e për të shkëmbyer dy fjalë me miqtë e kushërinjtë.
Jemi popull i trashë që na duket se ora 6-13, është për të bërë sullaco, e për të marre rreze Dielli, se në atë orë Koronavirusi merr pushim të mbledhë forcat.
Jemi popull pa tru, nuk reagojme fare nga cfarë shohim e cfarë dëgjojmë. Nuk përfitojmë nga koha që na dha situata në Itali. Po vdesin në Itali si mizat, ne i qeshim njëri-tjetrit në fytyrë duke u ngjitur në tarraca, duke u kapur dorë më dorë, duke u përqafuar kur dalim nga izolimi. Se prandaj është ai orari, të shmallemi me njëri- tjetrin. Popull komplet pa vetëdije.
A e dini se Bergamo ka qenë një ndër vendet me mjekësinë më fantastike, që edhe tani në pikën e fundit të fuqive, nuk lë askënd, të paktën pa i dhënë këshillë se si të marrë masat nëse është i sëmurë. Sado të mirë, të aftë, të përkushtuar të jenë mjekët tanë, nuk e kanë kurrë mbështetjen materiale, apo sasiore, apo infrastrukturën mbështetëse si Bergamo.
O popull i papërgjegjshëm. Po si rrezikon jetën për një tufë me qepë?! Mbylli njëherë sytë e mendoje veten 15 ditë me tuba e me askënd afër. E di qe nuk e beson se të duket e pamundur që kjo të ndodhë, se inteligjenca të arrin deri tek qepët dhe hudhrat.
Ooo kryeministër, nuk bëhet me lutje, nuk ka kohë as për edukim. Bëhet me dhunë. Një herë në tre ditë, dilte vetëm një person nga familja për ushqime në Wuhan. Kaq. Kjo ishte liria. Dhe ja ku e ke Wuhanin sot. Ja ku e ke dhe Italinë që vazhdon e bën vrap. Shpresojmë që të mos shohim po njësoj mendjemadhësinë angleze. Nëse duam të krahasohemi me Italinë dhe Anglinë…ata mund ta kenë privilegjin të jenë të papergjegjshëm, ne jo.
Leave a Reply