Shtatori njihet dhe si muaji i rikthimit të aktivitetit pas një pushimi të gjatë e vere të nxehtë. Si për çudi, kjo verë mbyllet me një risi të veçantë ku rrallherë të qëllon ta shohësh si fenomen televiziv. Po kësaj here ndodhi vërtet. Pas zhurmave të 30 Qershorit, pushuan njerëzit, poshoi politika, pushuan dhe mediat. Qetësia dhe vakumi u mbush me fotot e natyrës turistike kryesisht të vendit tonë, si për të treguar se jeta vijon normalisht përtej TV-së dhe përtej politikës së përcëlluar. Promovimi i vlerave turistike nisi si një trend i politikanëve.
Së pari ishte Kryeministri që herë pas herë nuk ngurronte të uronte ndjekësit e tij në rrjetet sociale me poste mëngjesish apo perëndime të vonshme. Politikanë të tjerë, derisa kulmoi me presidentin në ngjitje e majës më të lartë ballkanike, atë të Korabit. Ishte zgjedhje apo zgjidhje ?! Këtë askush nuk mund ta thotë.
“Ngjitu gjithnjë në majë por mos u bëj kurrë rob i saj”, -thotë një shprehje. E kjo ngjitje duket sikur sapo thyu heshtjen e verës pë të risjellë zhurmën e shtatorit. Kur priten të ndodhin shumë ndryshime e mbi të gjitha shumë vendime. Vetvetiu çdonjëri nga ne i heq një paralele a vektorë margjinaleje çdo aktiviteti për lehtësi “studimi”. E kjo dilemë ka dy zgjidhje.
E para, mund të shihet si demostrimi i një rikthimi të zhurmshëm, që kjo ka pak gjasa të ndodh kur e gjithë zhurma ishte veçse një “shumë zhurmë për asgjë”. Kjo, pasi jeta politike në vend i është rikthyer normalitetit dhe bashkitë shërbimeve të qytetarëve.
E dyta, pas çdo ngjitjeje ka një rënie e cila do përcaktojë sa i zhurmësh do jetë ky shtator kur ende pritet të nis punën SPAKU.
E si mbyllje, që duket sikur i jep zgjidhje të gjitha dilemave po citoj Alfred Pezën. “Pasi u end “zhurmshëm” gjatë dy muajve të verës në boshllëkun e 30 Qershorit, politika po hesht. Shenjë e sigurtë reflektimi. Opozita e rrugës në shtator ka dy rrugë: Ose të rikthehet në sistem, ose të shkrihet!”
Leave a Reply