Shefi de jure i demokratikasve, Basha, në një dalje të vonë, hodhi shashkën e fundit para zbardhjes të së vërtetës.
Babalen e “famshëm” vëllezërit Xhafa e kanë paskan joshur me 200 mijë euro që të mbyllë gojën dhe të përgenjështrojë gjithë çka thënë.
Për këtë, në drejtim të babales, janë dërguar njerëz të njohur si kriminelë, vrasës, të cilët e kanë kërcënuar dhe i kanë bërë shantazhin e njohur.
Disa janë nga Fushë Kruja, të tjerë nga Vlora, deklaroi Basha, duke i bërë në një vrasësit e veriut dhe të jugut.
Si edhe në të kaluarën, asnjë emër, kush ishte, cilin kërcënoi, kur ndodhi kjo, ku ndodhi kjo, ku është tani babale, ku gjendet familja e tij, përse Babale tentoi të ikte nga vendi, në fund të fundit, shkurt e qartë: kush janë të njohurit si vrasës, disa nga Fushë Kruja e disa nga Vlora.
Për Babalen është “grmbulluar” një tufë njerëzish të krimit, sikur ky i fundit të ishte i domosdoshmi dhe i paprekuri , që për të kërcënuar atë do të duhej një bandë.
Se kush e ka ushqyer babalen , me banim në Vlorë, me paratë e krimit, nuk është larg mendësh të gjendet. PD-ja ka ende reserva të mëdha nga grabitjet marramendëse.
Ajo ka para për të mbajtur një korpus paraushtarak me emërin e Hajdarit, e jo më të mos ushqejë një njeri si Babale.
Nëse dikush do i kishte afruar Babales 200 mijë euro, apo edhe gjysmën, qoftë edhe një të katërtën, ai do të kishte lënë në baltë të gjithë PD-në, me soj e sorollop./
Një trafikant i njohur, njeri i bixhozit dhe i veseve të tjera, që është mashtruar aq lehtë dhe ka mashtruar edhe të tjerët, nuk vlen as një e dhjezta e gjithë kësaj parodie.
Vëzhgimet dëshmojnë se babale nuk është takuar asnjëherë me Agron Xhafën, më pas do të dëshmojnë se me cilët është takuar. salianji është vetëm njëri prej tyre.
Babale, i cili, që në fillim të herës, megjithëse me përgjues në xhep, u zbras dhe deklaroi se përgjimi nuk ishte i tij, por i Agronit, do të ishte i lumtur nëse do i afroheshin 200 mijë euro.
Ai është shitur për shumë më pak se kaq.
Rani duhet të jetë penduar që nuk e ka ngritur pazarin.
sa për kërcënimin ndaj Olldashit, mirë që ra ky “mort” dhe e njohn njerëzit.
Një forcë politike që mbështetet tek Babale dhe tek “investigimi ” i Olldashit, dëshmon se ka shkuar drejt fuindit.
Nuk thonin kot të vjetrit ” më thuaj me kë rri, të të them se cili je”.
Leave a Reply