Nga Anri Bala/
Sot, studentët protestuan përsëri dhe ndjej keqardhje kur shoh, se nuk mundem t’i ndihmoj dot as me këshilla dhe as me mënyra të tjera, sepse nuk më vjen radha kurrë. Sa do të shtyhem e të mundohem, gjithmonë gjendem larg, sepse nuk të lënë specialistët e protestave, që nga larg, vetëm e në grupe, japin mend se si fitohet karrigia… e tyre.
Sot, më erdhi vërtet keq me atë kakofoni dhe lodhje të brezit tim, ku nuk u tha asgjë, ku folën të gjithë dhe nuk u dëgjua askush. Më erdhi keq për drejtimin që mori, ajo protestë aq e dlirë e padjallëzi, që djallëzorët pasi e shqyen… në fund e hodhën nga deshën e si deshën.
Ju studentët, edhe sikur të thërrisni ditë e natë se jemi të bashkuar… nuk jeni, derisa shejtani është shtrirë e fle gjumë në djepin e protestës suaj. Shejtani i shtrirë gjerë e gjatë, tundet e përkundet, duke u shtyrë e fyer me mbrojtjen, dhimbjen, keqardhjen dhe dashurinë që deklamon çdo çast për ju, tamam si një prostitutë e “virgjër”, që betohet në perëndi, se nuk ka bërë qejf në kuplara… por punë.
Por, a ka prostitutë të virgjër?! Jo! Megjithëse varet nga soji! Prostitutat e përzënë nga kuplaraja e pushtetit, tani kanë ndryshuar pamje dhe formë, të mbuluar me “ferexhe”, shkojnë çdo ditë të falen në “xhami”, duke ëndërruar, se qepjen do ta hani për virgjëri!
E keqja është, se janë qepur e shqepur shumë herë dhe nuk ka pe që u bënë derman, e kjo duhet t’i bind që të mos iu marrin për hundleshë dhe qorra, kur vetë janë horra, sorra dhe morra…!
Kini kujdes! Disa të tjerë kanë zëvendësuar kafshën fisnike dhe besnike të njeriut, duke pësuar një mutacion të frikshëm.
E kam me ata, që guximshëm vjedhin e grabisin çfarë tu dalë para, e që fyejnë çdo frymorë me paturpësinë e tyre. Më habiti një protestë krejt e veçantë në rrugët e Tiranës, para protestës tuaj. Pashë një tufë protestuesish të çuditshëm në heshtje… qentë.
Qentë endacak, po protestonin për qent me kolibe dhe kollare në vend të zinxhirit, të cilët u kishin marrë zanatin e nxjerrjes së bukës… lehjen. Qeni Lilu, Nimo, Livasi, dhe qeni bir i qenit Lisa dhe këlyshtë e tyre, megjithëse ecnin si njerëz, pa pikë turpi kuisnin, lihnin, jargaviteshin pas studentëve, për racionin e humbur, që dikur ua jepte tutori… pushtet.
Ndaj, edhe prostitutë edhe kone, edhe virgjëreshë edhe sojlli-sojllesh… është mision i pamundur. Mirëpo, ata ëndërrojnë dhe ëndrrat nuk janë të ndaluara, edhe nëse janë jashtë realitetit. Keq e mos më keq është, sepse ata shikojnë ëndrra për t’i yshtur në gabime të tjerët, që janë vepër të dënueshme, mëkatare, që të çojnë në humnerë… në rrugën pa kthim.
Sot, ishte grushti i fundit që i dhanë demokracisë prostitutat virgjëresha të opozitës pa opozitë, por ishte dhe gjyqi i së vërtetës, heqja e ferexhes dhe mbyllja e derës së shtëpisë së zotit, për këta konellapsa.
Nesër ditë e re! Me pak dhimbje për çoroditjen e sotme, me zërin e arsyes dhe jo të djajve… aspiratat realizohen, duke i qëndruar larg kuplaras, ku klithmat e qejfit dhe të orgazmës, t’i shesin për dhimbje çvirgjërimi.
Nesër ditë e re!/Ekskluzive.al
Leave a Reply