Donald Trump postoi këtë të shtunë në llogarinë e tij në Twitter si kundërsulm dyshimet e supozuara të lidhjes së tij me rusët, duke u mbrojtur se nuk pati kontakte mes tij dhe ekipit të tij gjatë fushatës elektorale. Një ditë më përpara (të premten) prokurori special Robert Mueller akuzoi 13 qytetarë rus dhe tre kompani nga i njëjti shtet që u interferuan në zgjedhjet presidenciale të 2016-ës, dhe zbuloi atë që konsiderohet të jetë një shoqëri e tërë e lajmeve të rreme që kërkonin të errësonin klimën politike. “Është qesharake se si mediat gënjeshtare nuk duan të thonë se grupi rus u formua në vitin 2014, shumë kohë para se të kandidoja për president. Ndoshta ata e dinin se do të prezantoja veten dhe unë nuk e dija!”, ka ironizuar Trump në llogarinë e tij të Twitter.
Ishte një argument i ngjashëm me atë të ngritur të premten, por këtë herë ai u zgjerua. Trump citoi fjalët e prokurorit ndihmës Rod Rosenstein, numrit dy të Departamentit të Drejtësisë gjatë një dalje publike, ku u shpreh se nuk ka fakte që mbrojnë akuzat e supozuara se ndonjë qytetar i SHBA-ve ta njihte këtë aktivitet ilegal dhe që të kenë mundësi të ndryshojnë rezultatin e zgjedhjeve elektronikisht.
Sakaq Trump ri vendosi (postuar në llogarinë e tij të rrjetit social) mesazhet nga zëvendës presidenti i Facebook, Rob Goldman, i cili ishte gjithashtu i ashpër në shtyp: “Shumica e shpenzimeve të reklamave ruse ndodhën PAS zgjedhjeve. E kemi ndarë këtë fakt, por shumë pak media e kanë mbuluar atë, sepse ajo nuk përputhet me narrativën dhe me zgjedhjet e mediave kryesore”.
Aktakuza e prokurorit Mueller fliste për një operacion, ‘Projekti Lakhta’ që kishte punësuar qindra persona për të aktivizuar një “luftë informacioni” për ta shkatërruar sistemin politik. Twetter dhe sidomos Facebook janë parë me syrin e uraganit, sepse kjo fushatë kishte shërbyer specifikisht përmes rrjeteve sociale për të shpërndarë informacione të rreme. “Me emra të rremë, me llogari bankare dhe identitete false bënin që të mbështesin apo të kundërshtonin kandidatët përfundimtar, hapnin faqe webi dhe krijonin komunitete me qytetarë të huaj të cilët nuk ja kishin idenë asaj që ndodhte”, konfirmon departamenti i drejtësisë./El Pais
Përktheu: Klaudia Malaj, AlpeNews.al
Leave a Reply