një progande antishqiptare që po përçoni drejt kancelarive të Europës, për të ardhmen europiane të vendit.
Selia e Partisë Demokratike, tanimë është kthyer në megafon lakuriq, nga ku dalin dhe përhapen jo këshilla dhe sinjale bashkëpunimi për të mirën e vendit dhe shqiptarëve, por është gjuha e helmatisur e atyre që e kanë genetike poshtërsinë, dhe pushtetin si të vetmen rrugë drejt pasurimit dhe greminës. Shqiptarët nuk do tu falin kurrë ju, që edhe në ditët e kiametit, edhe kur qytetet u tundën nga tërmeti i tmerrshëm i 26 Nentorit, apo dhe kur COVID-19 erdhi tek ne, ju dilnit dhe bënit gallatë, dilnit dhe fërkonit duart “ishalla ikën Rama nga pushteti”. Ju jeni të mjerë në logjikë, në formim, dhe më kryesorja në shpirt. Për ju pushteti është mbi gjithçka, mbi jetën, mbi vendin, mbi të ardhmen mbi kombit. Shqiptarët nuk do tu falin kurrë ju, për pasojat e pakthyeshme të një politike rruge, që keni ndjekur prej afro 8 vitesh, për gjuhën e “nepërkës” që keni përdorur për të nxirë sukseset, investimet, arritjet, rezultatet, dhe gjithçka të bukur që ka ky vend. Me objektivin idiotesk “pushteti mbi të gjitha”, dhe synimin e “rrëzimit të Ramës pa mbushur mandatin e parë”, ju e kthyet Parlamentin në sallë ku shqiptarët dëgjonin thirrjet, mallëkimet dhe ulurimat tuaja mbi qeverinë, deputetët, ministrat, ndërkombëtarët, ambasadorët dhe kunsujt e huaj, vetëm e vetëm se ata përgëzonin dhe nxisnin Edi Ramën për të ecur përpara.
Shqiptarët nuk do tu falin ju kurrë, për tmerret që panë për 6 muaj rresht, tek digjnit me molotovë institucionet dhe plagosnit policët, që përpiqeshin të ruanin rendin dhe qetësinë, apo dhe pasurinë tonë të përbashkët. Shqiptarët, nuk do tu falin ju kurrë, për mashtrimet dhe misionin antihuman që keni nisur qysh ditën e parë të krizës,duke thelluar hendekun mes tyre.Vota e shqiptarëve (apo dhe mbështetësve tuaj) nuk mund të shkojë kurrë më për ju, nuk mund të shkojë më për ata që luten ditë-natë, të bëhet “Hataja” vetëm Edi Rama të ikë nga pushteti. Ju jeni të vegjël, jeni të çoroditur, jeni të vetmuar, jeni të lënduar, jeni të dyshuar, dhe kjo pasi keni ligësi në çdo fjalë, fjali, deklaratë shtypi, apo zyrë të partisë tuaj. Shqiptarët nuk do tu falin kurrë ju, pasi me ju rikthehet kaosi, anarshia, pasi me ju idiotëzohen institucionet, rikthehet analfabetizmi dhe mëria krahinore. Ndaj, mos shikoni ëndërra me “pushtet”, por trazoni dalëngadalë “çorbën e vjetër”, të paktën të siguroni ushqimin ditor që u jep “Ai”.
Leave a Reply