MERO BAZE/ Republika e vetshpallur “Meta Berisha”, kundër Perëndimit

Mero Baze

Presidenti u ngrit herët në mëngjes për ta na treguar se Republika e tij rrezikohet nga Shtetet e Bashkuara dhe vendet e Bashkimit Evropian dhe se ai është simbol I rezistencës ndaj tyre. Mendoj se ishte I sinqert, edhe pse këtë mund ta thoshte qysh dje në drekë. Nuk besoj se do shumë kohë për ta menduar, vetëm nëse ka dash të shmang emocionet.

Shtetet e Bashkuara të Amerikës dhe vendet Perndimore, realisht janë angazhuar në një betejë kundër Republikës paralele të Ilir Metës dhe Sali Berishës në Shqipëri.

Ata nuk kanë pranuar shkëputjen e tyre nga parlamenti Sovran I Shqipërisë, ikjen nga zgjedhjet dhe përpjekjen për të krijuar një Republikë paralele me Republikën e Shqipërisë.

Mbi të gjitha ata nuk kanë pranuar dhe as kanë denjuar ta përmendin aktin e ç’dekretimit të zgjedhjeve, që në fakt është akti I zjarrëvënies ndaj Republikës së Shqipërisë nga Republika rivale e Ilir Metës dhe Sali Berishës.

Tani pes ditë para zgjedhjeve ëshët e qartë se Republika e Shqipërisë ka në krah të saj SHBA dhe BE, dhe është në luftë me Republikën e Ilir Metës dhe Sali Berishës. Nuk kemi dyshime për këtë. Nuk ka as Ilir Meta dhe as Sali Berisha. Nuk ka as SHBA dhe as BE. Problemi që kemi tani, është përse Ilir Meta do të jetë president I të dy republikave, dhe I Republikës, me të cilën ka hyrë në luftë dhe I Republikës që ka krijuar me Sali Berishën.

Një president, që nuk ka mbështetjen e shumicës që e ka zgjedhur, një president që ja ka hedhur posht Dekretin Kolegji zgjedhor duke provuar pavlefshmërinë absolute, një president, që nuk ka mbështetjen e SHBA dhe BE për të qenë President i Shqipërisë, mund të  sillet si pushtues I një karrigeje, por jo si president.

Një njeri që i kërkon dorëheqje kryeministrit, duke vënë në dyshim votat ndaj tij, vet nuk ka më asnjë votë nga ato që e kanë zgjedhur president, nuk ka mbështetjen e SHBA dhe BE, është poshtëruar publikisht nga një gjykatë zgjedhjesh në Shqipëri dhe vazhdon të sillet si pengmarrës I Presidencës.

Mbi të gjitha, Shqipëria e pas viteve 90, e ka të bazuar Sigurinë Kombëtare dhe të ardhmen e saj, tek aleanca me SHBA dhe Bashkimin Evropian. Një President që ngrihet herët në mëngjes, për ti shpallur luftë SHBA dhe ambasadorëve të BE, mund të jetë President i Bjellurusisë, por jo Shqipërisë.

Ne nuk jemi kundër Republikës së tij të vetshpallur me Sali Berishën. Shqipëria ka pasur gjithnjë, në fazat kritike të historisë së saj, një “republikë” që ka tentuar të na pengonte në rrugën drejt Perndimit. Prej Haxhi Qamilit më 1914 e deri tek errësira e Berishës më 97, gjithnjë dikujt që i është rrezikuar pushteti, I ka shkuar mendja herë tek Turqia, herë tek Rusia, e herë tek Al Qaida. Ilir Meta është I fundit I kësaj rrace dhe nuk është  I vetmi. Por problemi është se të gjithë paraardhësit e tij që kanë tentuar këtë gjë, kanë humbur dhe nuk e kanë marrë dot me vete Shqipërinë. Republika e Ilir Metës dhe Sali Berishës, është 1 mijë metra katrorë, sa grumbulli I molotovistëve që tentojnë të jenë Ushtria e Republikës së tyre.  Republika e Shqipërisë është 28 mijë km katror, është e qetë, e bukur dhe e qartë, edhe kur ngrihet herët për punë, jo nga pagjumësia!