Lulzim Basha ka thënë gjatë intervistës së dhënë për Arian Çanin se ai është njeriu më europian në Shqipëri dhe nuk ka lidhje fare me Moskën.
Por, vetëm tre ditë më parë, gjatë një takimi që pati me drejtorin e Politikave të Zgjerimit në Bashkimin Evropian, Christian Danielson, Lulzim Basha kërkoi nga Europa, që të mos hapë negociatat për Shqipërinë.
Sipas tij, do të ishte turp për Europën, nëse do të hapte negociatat për vendin tonë, duke i hapur kështu rrugë anëtarësimit të Shqipërisë në BE.
“Sot jemi në një autokraci në një vend të zgjedhur nga krimi dhe jo nga qytetarët me një kryeministër bashkëpunëtor të krimit.
Kështu nuk shkohet në Europë dhe këtë e di çdo europian.
Futja në Europë e një vendi që sundohet në shumë aspekte, njësoj si Venezuela, do të ishte turp i Europës”, tha Basha.
Një “europian” si ai nuk do të ishte kundër futjes së vendit të vet në BE, por pro, edhe nëse Shqipëria do të ishte si Venezuela, siç pretendon Basha, pasi hyrja në BE, do të thotë që standartet e qeverisjes në Shqipëri do të ishin si ato të vendeve të BE-së.
Një europian do të ishte gjithmonë pro futjes së tij në BE, jo si Lulzim Basha, që ndryshe thotë se është, dhe ndryshe vepron për vendin e tij.
Leave a Reply