Nga Mero Baze
Ajo që po ndodh tek Unaza e re është një tragjiokomedi. Për gati një muaj banorët që preken nga prishja mblidhen aty në shumicën e ditëve nën shi dhe kërkojnë një dëmshpërblim të pranueshëm për shtëpitë e tyre, me qëllim që të rifillojnë jetën diku tjetër. Problematike mbetet kategoria e të palegalizuarve, të cilët janë nën makthin e mbetjes në rrugë dhe janë shumë agresivë.
Agresivteti I tyre është I justifikuar me mungesën e prespektivës që ata kanë pas prishjes shtëpive dhe pafuqinë për ta bindur qeverinë ti paguj të gjithë.
Maksimumin e agresivtetit të tyre befas u kujtua ta përdor Partia Demokratike. Ajo për gati dy javë që është çdo natë tek Unaza e re, por nuk ka të njëjtin hall me banorët. Ajo ka hallin e çmimit të tenderave të Unazës. Një prej tyre e ka marrë Kumbari I vajzës Lulzim Bashës dhe quhet në rregull. Njërin e ka marr Salillari dhe prap nuk ka zëra kundër tij. Problemin e ka me të tretin që nuk po e gjen dot kush e ka marrë dhe herë I thonë e ka marrë Sandri, herë dikush tjetër afër Doktorit.
Ironia e fatit është se në këtë protestë çdo natë I vetmi dezhurnë është Djali I Fariut, siç njihet deputeti Balliu, babai I të cilit me Lulzim Bashën dhjetë vjet më parë kanë ndërtuar mbikalimin tek “Shqiponja”, I cili ka kushtuar po kaq sa kushton mbikalimi tek rrethrrotullimi I Shqiponjës. Biles e ka ndërtuar aq keq sa akoma nuk I është marrë përfundimisht në dorzim.
Qeveria nga ana e saj ka hall tjetër. Ajo do deomos ta mbaj të lidhur PD me protestën e Astirit që kur ta zgjidh problemin me ta, opozita të rrij e të mendohet se çfarë u desh kjo histori. Prej fillimit duket se I vetmi I shqetësim I qeverisë, është si ti mbaj opozitarët në Unazë të re dhe të vazhdoj punët e saj brenda unazës.
I fundmit hallexhi I kësaj proteste, është Erion Veliaj që duket sikur është I pari I gjithë hallexhinjëve. Ai deri më sot ka gjetur shtëpi sociale për ata që preken nga prishjet dhe vullnetarë nga Tropoja, që i prishin vet ndërtesat kudrejt përfitimit nga zhvillimi I ri I zonës. Më tej akoma ai po pëpriqet të tërheq gjithë betejën e opozitës mbi vete që po ashtu të ndjehet I fituar në fund kur të bëhet Uanza.
I vetmi që silelt cuditshëm me protestën është Lulzim Basha. Ai shkoi atje papritur, kur askush nuk e priste të ishte në krah të banorëve, ikën po aq papritur për pushimet e rregullta në Hollandë, dhe nuk dihet nëse do qëndroj deri në fund, por e sigurt është që pa shkuar të tre fituesit e tenderave të kunati ai nuk ju ndahet.
Në këtë kaos interesash, ku banorët duan lekët e shtëpive, Basha pjesën e tenderave, qeveria projektin e Unazës dhe Bashkia lavdinë e betejës, protestën e mban gjallë vetëm qeveria, e cila akoma nuk është bërë gati ti prish, pasi nuk ka mbaruar me sa duket letrat e pronave dhe lekët e rimbursimit. Dhe ndërkohë të gjithë bëjnë sikur rezistojnë për hallin e tyre.
Leave a Reply