Sot ka vdekur Stephen Hawking, njëri prej shkencëtarëve më të mëdhenj të kohës, i njohur për teorinë e tij të vrimave të zeza. Më poshtë po ju sjellim dhjetë citatet e tij më të njohura
1.- Jeta do të ishte tragjike nëse nuk do të ishte argëtuese.
2.- E konsideroj trurin si një kompjuter, që do të reshtë së funksionuari kur të prishen komponentët e tij. S’ka parajsë as jetë të përtejme për kompjuterët e prishur. Është një përrallë për persona që kanë frikë nga terri.
3.- Zoti mund të ekzistojë, por shkenca mund ta shpjegojë universin pa nevojën e një krijuesi.
4.- Derisa ka jetë, ka shpresë.
5.- Shikojini yjet në vend të këmbëve tuaja. Jini kureshtarë. Sado e vështirë që mund të duket jeta, gjithmonë mund të bëhet diçka.
6.- Objektivi im është i thjeshtë. Bëhet fjalë për një kuptim të plotë të universit, pse është kështu dhe pse ekziston e tëra.
7.- Kam vënë re se edhe personat që pohojnë se gjithçka është e shkruar dhe se nuk mund të bëjmë asgjë për t’i ndryshuar gjërat, i hapin sytë mirë para se ta kapërcejnë rrugën.
8.- Armiku më i madh i njohjes nuk është injoranca, është iluzioni i njohjes.
9.- Nëse një ditë do të vinin alienët të na vizitojnë, mendoj se rezultati do të ishte i ngjashëm me atë që ka ndodhur kur Kristofor Kolombo ka zbarkuar në Amerikë, një rezultat jo shumë pozitiv për indianët.
10.- Njerëzit që lavdërohen për koeficientin e tyre të inteligjencës janë humbës.
/Përgatiti GazetaExpress
Leave a Reply