Reflektimi i një qytetetareje të lirë!
Për të protestuar, duhen dy arsye, moral ose hall. Kur ke të parën protesta ka shpirt, ka frymë, tërheq, bind dhe ata që nuk e kanë. Kur ke hall por pa moral, protesta është… druga mesele.
E them në gjuhën sllave pasi klima e intrigave, përçarjeve, konflikteve dhe luftës kundër nderkombëtarëve që ka përfshirë Shqipërinë dhe Kosovën, janë produkt i një mekanizmi kriminal antikombëtar, i mirëorganizuar nga faktorë antishqiptar brenda dhe jashtë. Dhe aq e mirëorganizuar është kjo para stuhi që ka përfshirë racën më mëkatare të trojeve shqipe sa janë të gatshëm të hedhin në erë dhe rajonin dhe interesat kombëtare vetëm e vetëm që vëmendja të largohet nga dita e gjykimit të tyre.
Edi Rama përgjatë qeverisjes të tij ka shumë gjynahe, arrogancë, fodullëk dhe mangësira, por gjithsesi ai po qeverisë Shqipërinë falë një votimi të cilësuar të shqiptarëve pro tij dhe kjo e konfirmuar jo më larg se para 6 muajsh. Sa për muhabetet jo po ishin vota droge jo po ishin vota presioni, ky shtet ka 106 vjet që ka institucione për të vërtetuar, rrëzuar apo aprovuar atë që pretendon.
Sa për arsyet e tjera, do të doja të dija çfarë mendojnë këta që protestojnë, për betonimin e Tiranës, tarifat arsimore, shqyerjen e lumit të Valbonës, Vjosës etj.. se kur ka pazare mafiozësh çuditërisht rrinë sus.
Nuk do doja të harxhoja asnjë fjalë për moralin kombëtar të kryesuesve të protestës, pasi Shqipëria është ashtu siç thoshte ish- ambasadori Withers, një fshat i madh, ku të gjithë njohim dhe dimë shumë ç’ka për njëri tjetrin, por jam e bindur që kur ti hapen petët lakrorit (pavarësisht çizmeve në hava), tmerre të papara do të dëgjojmë.. dhe petët kanë për tu hapur… dhe do shikojmë që minierat, koncesionet, listat kriminale të punësimit do jenë thjesht kruajtëse dhëmbësh përpara tradhtive akoma më të mëdha kombëtare që janë bërë kundrejt Shqipërisë dhe shqiptarëve.
Harry S. Truman shkruante..
Një hile e vjetër e politikës është : në rast se nuk arrin ti bindësh njerëzit, të paktën ngatërroi.
Leave a Reply