Bëjnë shumë mirë:
Të denoncojnë çmimet e kripura
Mungesën e kuponit
Arrogancën e pronarëve provincialë
Zaptimin e plazhit publik
Mospastrimin e plehrave
Mungesën e higjienës
Ndotjen akustike
Por një kërkesë miqësore për këdo nga ju e nga ne, para se të denonconi privatisht edhe publikisht.
Ekonomia e tregut njeh disa rregulla, shteti ka akses vetëm tek mallrat e shportës.
Pushimet s’bëjnë pjesë aty, ndryshe s’do ish ekonomi tregu.
Çmimet i vendos investitori apo pronari dhe tregu (kërkesë-ofertë).
Klienti para çdo porosie duhet të kërkojë të shohë menunë, të zgjedhë nëse ja mban xhepi e para se të paguajë të kërkoj kupon.
Nëse s’ndjek këtë rrugë, kot denoncon me kuponin në fund.
Më e pakta, tregon që faji është i yti. Të duket çmim i kripur, mos frekuento atë ambjent zgjidh sipas mundësive.
Nuk është vetëm Shqipëria kaq e shtrenjtë dhe jo e gjithë Shqipëria është zhvatëse, ka disa individë që nëse abandonohen do mësohen të respektojnë klientët.
Një omëletë dhe një makiato, s’mund të dëmtojnë me mijëra njerëz që përpiqen çdo ditë, me mund e djersë edhe me mungesën e infrastrukturës publike të na shërbejnë.
Të gjithë neve me buzëqeshje e mirësjellje.
Kjo nuk është kundërpërgjigje për të mbrojtur abuzuesit, është lutje për të respektuar e vlerësuar pasurinë e përbashkët. Natyrën, plazhet, turizmin, ekonominë.
Nëse omëleta e makiato vërtetë kanë qenë të kripura, keqeverisja në më shumë se 2 dekada janë kuzhinieri dhe baristi që na prishin shijet.
Pushime të bukura për të gjithë, mos harroni të lexoni menutë dhe të paguani pasi të merrni kuponin tatimor.
Leave a Reply