Nga Mentor Kikia
Ne nuk do të prodhojmë asnjëherë makina, as kompjutera, as armë…
Ne jemi të “dënuar” që të jemi një vend agro-industrial e turistik. Sepse jemi një vend i vogël e rural.
Ndaj duhet ta mirëmbajmë çdo pëllëmbë të këtij vendi. Të ruajmë çdo metër tokë, çdo lëndinë, çdo përrua e çdo pemë.
Deri tani kemi bërë pikërisht të kundërtën, kemi shkatërruar me një zell të paimagjinueshëm çdo gjë që do të na shërbejë.
Por le ta nisim nga edukata. Ti mbajmë pastër zonat që tashmë janë duke marrë frymë nga turizmi.
Eshtë një shenjë e mrekullueshme që lumenj, përrenj, lëndina e shkrepa nëpër Alpe, po shndërrohen në destinacione turistike.
Por ti mirëmbajmë këto vende.
Ta bëjmë normë të jetesës sonë, të mos i hedhim mbetjet “si lopa bajgën”. Atdhetaria dhe dashuria për këtë vend nuk tregohet duke bërë shqiponjën me duar, apo duke sharë serbët, por duke kontribuar që serbët të vijnë të pushojnë këtu e të lënë para.
p.s: Këto foto janë pamje pas një fundjave(këtë fundjavë) në Theth.
Leave a Reply